Að leiðarlokum

Það er nú liðin rúm vika síðan við lukum við ferðina okkar yfir þver Bandaríkin. Ég ætlaði að vera duglegur og skrifa hugleiðingu strax eftir ferðalokinn en ég held að þreytan hafi verið farin að síga í. Það tekur meira á en maður heldur að vera á svona löngu ferðalagi í nær 3 vikur.Er mikið mál að fara svona ferð ? Svarið er - nei, en það þarf góðan undirbúning. Við lágum yfir kortum s.l. vetur og reyndum að finna skemmtilega leið með mikið af "scenic routes" en jafnframt að við gætum heimsótt vini okkar í Los Angeles, í Colorado og í Chicago. Það hefði verið gaman að heimsækja frændur mína og tvímenninga mína Paul og Earl í Delaware, en til þess vanst ekki tími núna við gerum bara sérferð seinna.Þeir sem vilja gera eitthvað líkt þessu þurfa að áætla a.m.k 2 vikur í ferðalagið að mínu mati. Líklega er ódýrast þegar upp er staðið að kaupa sér bíl. Þetta má gera á ýmsan hátt, á E-bay, eða gegnum bílasala. Það má hugsa sér að enda ferðina þá á því að setja bílinn í skip í Norfalk í Virginiu, senda hann heim, eiga hann eða selja.Gisting er ekkert vandamál. Það er allstaðar nóg framboð af góðri gistingu. GPS tækið (Garmin Nuvi 770) Reyndist hinn mesti þarfagripur, það er t.d. hægt að láta "hana" finna hótel, hraðbanka eða spítala og leiða mann þangað.Við reyndum að leggja af stað snemma, þá hefur maður allan daginn fyrir sér og getur stoppað oftar. Við reynum líka að taka langa leggi 2-3 daga í röð og stoppa síðan í nokkra daga á milli.Hvað var skemmtilegast ? - ekki gott að segja, líklega að heimsækja alla vini okkar. Hvað var fallegas ? Miklagljúfur er einstakt "breathtaking" eins og þeir segja, sömuleiðis steinbogarnir í Utah, Klettafjöllin og Blue ridge parkway.Og hvað næst ? - ég stakk upp á við Helgu að fara "hringinn" ------ "Long way round" - í kringum jörðina. Hún sagði ekki nei ! Ætli það verði ekki önnur styttri ferðalög fyrst. Takk fyrir að fylgjast með vonandi hafa allir haft gaman og gagn af þessu. Nú er bara að blogga um næsta ferðalag okkur til skemmtunar.

Athugasemdir

[Jóhannes V Gunnarsson, 8.7.2008 kl. 15:11]

Þetta hefur verið góð ferð, nú er auðvitað að fara "the long way round" og mæli ég með Australiu ef þú ert ekki búinn að koma þangað. Toppar allt!

 Annars er bara að bjalla og panta hjá mér "bílaleigubíl" fyrir Skagafjörð eftir 3vikur?

kv:Jóhannes VG